Јон Дал Томасон е сменет од селекторската позиција на фудбалската репрезентација на Шведска, соопшти денеска Фудбалската федерација на Шведска (ФФШ).
Одлуката е донесена поради „слабите резултати во квалификациите за Светското првенство 2026“.
„Управниот одбор на ФФШ донесе одлука да го прекине мандатот на Томасон како селектор на фудбалската репрезентација,“ стои во објавата на официјалниот сајт на федерацијата.
Томасон ја предводеше шведската репрезентација од февруари 2024 година, но не успеа да оствари позитивен резултат во квалификацискиот циклус.
Шведска е последна во групата Б.
Имаат освоено само еден бод од четири одиграни дуели.
Синоќа, Шведска претрпе пораз на домашен терен од Косово со 1:0.
