Од утрово, 7 септември 2025 година, на територијата на Република Македонија регистрирани се вкупно 26 пожари на отворен простор. Од нив, 20 се изгаснати, 4 се под контрола, а 2 сè уште се активни.
Активни пожари
- Општина Берово: Место викано Безгашево, во близина на село Русиново, каде гори дабова и букова шума.
- Општина Липково: Во село Никуштак, каде гори нискостеблеста и дабова шума.
Пожари под контрола
- Општина Гази Баба: Пожарот на депонијата Вардариште е ставен под контрола.
- Општина Берово: Пожарот над туристичката населба Абланица, каде гори борова шума, е под контрола.
- Општина Делчево: Пожарот во село Косово Дабје е под контрола.
- Општина Виница: Пожарот во фабриката „Винчини“ (Макпрогрес) е ставен под контрола.
Изгаснати пожари
Изгаснати се 20 пожари во различни општини низ земјата, меѓу кои во Гевгелија, Струмица, Дебар, Струга, Тетово, Гостивар, Долнени, Прилеп, Куманово, Старо Нагоричане, Илинден, Крушево и Битола.
