Рускиот претседател Владимир Путин изјави дека крајната цел на специјалната воена операција во Украина е воспоставување на долгорочен и одржлив мир, кој ќе ја гарантира безбедноста на Русија и ќе ги заштити интересите на руско-јазичното население во Украина.
Во интервју за руската државна телевизија, Путин нагласи дека Москва има доволно сила за да ја заврши војната според своите услови. Тој додаде дека Русија мора да ги брани луѓето кои зборуваат руски јазик и кои ја сметаат Русија за своја татковина. „Нивните интереси мора да бидат заштитени“, потенцираше рускиот претседател.
Оваа изјава доаѓа во време кога меѓународната заедница продолжува да врши притисок за прекин на конфликтот, но Кремљ останува цврст во своите барања. Путин истакна дека Русија е подготвена за преговори, но само ако се почитуваат нејзините услови, вклучувајќи ја и безбедноста на руско-јазичното население во Украина.
Со оваа позиција, Русија испраќа јасна порака дека ќе продолжи со своите операции сè додека не се постигне договор кој ќе ги задоволи нејзините безбедносни и политички интереси.
