Во Струмица се заоструваат тензиите откако група угостители, чии објекти се идентификувани како дивоградби, најавија протести против одлуката на Општината да ги отстрани нивните објекти од јавните површини. Градоначалникот Костадин Костадинов одговори дека плоштадот и јавните простори им припаѓаат на сите граѓани и дека општинските власти ќе продолжат со спроведување на законските обврски.
„Плоштадот е за сите граѓани, а не само за поединци кои незаконски го користат“, изјави Костадинов. Тој додаде дека Општината ќе продолжи со отстранување на сите нелегални објекти и дека нема да подлегне на притисоци.
Претставници на угостителите тврдат дека се дискриминирани и дека нивните објекти придонесуваат за економијата на градот. Тие најавија дека протестите ќе продолжат се додека не се најде заедничко решение.
Општината, пак, истакнува дека нема компромис кога станува збор за почитување на законите и дека јавните простори мора да бидат достапни за сите граѓани.
