Романскиот стратег Кристијан Киву (44) е именуван за нов тренер на милански Интер, со што клубот добива старо-ново лице на својата клупа. Киву потпиша договор до 30 јуни 2027 година и ќе го предводи тимот кој минатата сезона беше вицешампион на Европа и Италија.
Киву доаѓа на местото на Симоне Инзаги, кој минатата недела неочекувано поднесе оставка и замина во саудискиот Ал Хилал.
Пред да се врати во Интер, Киву беше кратко тренер на Парма, од каде поднесе оставка пред неколку дена.
Сепак, поврзаноста на Киву со „нероаѕурите“ е длабока – тој беше дел од младинскиот тренерски тим на Интер од 2018 до 2024 година, а како играч го носеше дресот на миланскиот гигант од 2007 до 2014 година.
Со ова назначување, Интер добива тренер кој добро ја познава клубската филозофија и има силна врска со навивачите и структурата на тимот.
