Фудбалерите на Вардар вечерва од 20:15 часот во Лозана ќе го одиграат реванш натпреварот од второто квалификациско коло на Конференциската лига, против истоимениот швајцарски тим.
По сензационалната победа од 2:1 на домашен терен, „црвено-црните“ на чекор се до историски успех и пласман во следната фаза. Херој на првиот меч беше извонредниот Омерагиќ, кој со својата игра и пожртвуваност донесе клучна предност за вардарци.
Тренерот Гоце Седлоски верува во својот состав, кој и покрај фаворитската улога на противникот, покажа карактер и квалитет.
Навивачите ширум Македонија ќе имаат можност да го следат натпреварот во живо преку директниот пренос на МТВ 1 и МТВ 2.
