Претседателката на државата, Гордана Сиљановска-Давкова, ја свика втората седница на Советот за безбедност, која ќе се одржи утре, 1 август 2025 година (петок), со почеток во 12:00 часот, соопштуваат од Кабинетот на претседателката.
Членови на Советот за безбедност по функција се:
Африм Гаши, претседател на Собранието,
Христијан Мицкоски, претседател на Владата,
Панче Тошковски, министер за внатрешни работи,
Владо Мисајловски, министер за одбрана,
Тимчо Муцунски, министер за надворешни работи и надворешна трговија,
како и тројцата членови именувани од страна на претседателката: Џевдет Хајредини, Малинка Ристевска-Јорданова и Владо Спиридонов.
На седницата, на покана на претседателката Сиљановска-Давкова, ќе присуствуваат и директорот на Агенцијата за национална безбедност, Бојан Христовски; директорката на Агенцијата за разузнавање, Габриела Јаковлева, како и директорот на Дирекцијата за заштита и спасување, Стојанче Ангелов.
