На денешен ден, 8 август, е родена една од најголемите музички и културни икони од Македонија – неповторливата Есма Реџепова. Со својата раскошна емоција, моќен вокал и длабока хуманост, Есма не само што ја прослави ромската музика ширум светот, туку и ја издигна на ниво на уметност која ги спојува народите.
Нарекувана „Кралица на ромската музика“, таа зад себе остави богат музички опус со над 500 снимени песни, настапи во над 100 земји, и живот исполнет со посветеност кон музиката, хуманоста и љубовта кон сите луѓе.
Есма Реџепова почина на 11 декември 2016 година, оставајќи неизбришлива трага во македонската и светската музичка историја. Нејзината хуманост, уметничка сила и борбен дух продолжуваат да инспирираат генерации.
По повод нејзиниот роденден, ја објавуваме и оваа посебна илустрација изработена од уметникот Зоран Кардула, визуелна почит кон една величествена жена чие наследство и денес живее.
Есма Реџепова останува симбол на гласот што не молчи, на срцето што дарува, и на културата што не познава граници.
