Во рамките на постапката за изработка на новиот Генерален урбанистички план (ГУП) 2022-2032 година, Градот Скопје денеска организира јавна дискусија за пет градски четврти лоцирани во Општина Ѓорче Петров. Целта е да се вклучат граѓаните во процесот на планирање и уредување на просторот.
Јавната дискусија ќе се одржи во салата на Град Скопје (барака 13) според следниот распоред:
Градска четврт „СЗ 08“: од 9:00 до 10:00 часот
Градска четврт „СЗ 15“: од 10:00 до 11:00 часот
Градска четврт „СЗ 16“: од 11:00 до 12:00 часот
Градска четврт „СЗ 18“: од 12:00 до 13:00 часот
Градска четврт „СЗ 17“: од 13:00 до 14:00 часот
Граѓаните имаат можност да ги дадат своите предлози, мислења и забелешки не само за време на дискусијата, туку и писмено во архивата на Град Скопје (барака 16) или електронски на адресата gup@skopje.gov.mk.
Градот Скопје ги повикува сите заинтересирани граѓани активно да се вклучат во овој процес од јавен интерес, со цел заеднички да се дефинираат идните урбанистички решенија.
Границите на четвртите се следниве:
СЗ 08: Североисток: Булевар „Илинден“, Југоисток: улица „Црногорска“, Југозапад: улица „Лука Геров“, Северозапад: улица „Лепенец“.
СЗ 15: Север: Булевар „Партизански Одреди“, Исток: улица „Ѓорче Петров“, Југ: улица „Ѓорче Петров“, Запад: Булевар „Македонска Војска“.
СЗ 16: Север: Булевар „Илинден“, Исток: улица „Ацо Шопов“, Југ: Булевар „Партизански Одреди“, Запад: улица „Црногорска“.
СЗ 17: Североисток: река Лепенец, Југоисток: река Вардар, Југозапад: Булевар „Илинден“, Северозапад: улица „Словенечка“.
СЗ 18: Исток: улица „Фјодор Достоевски“, Југоисток: улица „Ацо Шопов“, Запад: улица „Ацо Шопов“, Север: Булевар „Илинден“.
