Иднината на италијанскиот голман Џанлуиџи Донарума во Пари Сен Жермен е под голем знак прашалник. Како што пренесуваат медиумите, Донарума не е вклучен во составот на „светците“ за натпреварот во среда против Тотенхем во Европскиот Суперкуп, што е силен показател за неговото можно заминување од клубот.
Иако имаше една од клучните улоги во освојувањето на Лигата на шампионите, тренерот Луис Енрике и раководството на ПСЖ одлучија да го отстранат од тимот откако тој одби да го продолжи договорот, кој истекува следното лето.
Замена и заинтересирани клубови
ПСЖ веќе донесе замена за Џанлуиџи Донарума, откако за 40 милиони евра го купија Лукас Шевалие од Лил, кој ќе биде прв избор на голот. Во тимот остануваат и другите голмани, Матвеј Сафонов и Арно Тенас.
Во меѓувреме, менаџерот на Донарума, Енцо Раиола, е во контакт со неколку европски гиганти. Ситуацијата внимателно ја следат клубови како Манчестер Јунајтед, Челзи и Интер, кои покажуваат сериозен интерес за италијанскиот голман.
Минатата сезона, Донарума прими 43 гола на 47 одиграни натпревари, а на 17 од нив успеа да ја зачува мрежата.
