ВМРО-ДПМНЕ реагира на денешната прес-конференција на СДСМ, во која беше спомнат наводен скандал во Националната агенција „Еразмус+“ од периодот 2014-2017 година. Од ВМРО-ДПМНЕ потсетуваат дека СДСМ беше на власт седум години, од 2017 година до минатата година, и дека имале доволно време да го истражат и расчистат евентуалниот криминал.
Според реакцијата на ВМРО-ДПМНЕ, ако навистина имало нешто спорно во Агенцијата, СДСМ не само што ќе ги затворел одговорните лица, туку и ќе ги „снимал и омаловажувал како Гордана и Миле“. Од партијата обвинуваат дека на СДСМ им одговарале функционери како Лидија Димова и дека поранешниот премиер Зоран Заев можеби токму со тие пари ја купил јахтата на која сега ужива со Венко Филипче.
ВМРО-ДПМНЕ го нарекува ставот на СДСМ „огромно лицемерие“, тврдејќи дека нивните поранешни функционери се „тонаат во криминал и корупција“ и дека се заштитени од судии и обвинители. Партијата на крајот на реакцијата нагласува дека и на ова ќе му дојде крајот.
