Израелскиот премиер Бенјамин Нетанјаху изјави дека се чувствува како да е на „историска и духовна мисија“ и дека е многу поврзан со визијата за Голем Израел.
За време на интервју со новинарот Шерон Гал, Нетанјаху добил амајлија со „мапа на Ветената земја“. Гал се пошегувал дека не сака дополнително да го вмешува премиерот, кој е обвинет дека примил накит и други луксузни предмети од бизнисмени.
На прашањето дали се чувствува поврзан со визијата за Голем Израел, Нетанјаху кратко одговорил: „Многу“.
Терминот Голем Израел се однесува на Израел и териториите што ги освои во шестдневната војна во 1967 година, вклучувајќи ги Источен Ерусалим, Западниот Брег, Појасот Газа, Синајскиот Полуостров и Голанската Висорамнина.
