Милорад Додик, на кого вчера Апелациониот совет на Судот на БиХ официјално му го одзеде претседателскиот мандат, денеска на социјалната мрежа X објави дека нема да ја почитува таа одлука и дека ќе остане на функцијата.
„Нема да ја почитувам. Ќе ја почитувам волјата на српскиот народ. Јас сум претседател на Република Српска, а вие пишувајте што сакате. Јас сум избран од народот, нема да бидам заменет од странска влада“, напиша Додик.
Тој додаде дека институциите што ја донеле одлуката за негово разрешување не ги почитувале ниту Уставот на Босна и Херцеговина, ниту Уставот на Република Српска.
