Украинскиот претседател Володимир Зеленски му додели орден за заслуги на градоначалникот на Кавадарци, Митко Јанчев. Оваа одлука беше објавена по повод Денот на независноста на Украина, а Јанчев се најде на листата на околу 100 одликувани личности.
Наградата му се доделува за неговиот значаен придонес во зајакнувањето на меѓудржавната соработка, поддршката на суверенитетот и територијалниот интегритет на Украина, добротворната дејност и за популаризацијата на украинската држава во светот.
