Кандидатот за градоначалник на Чаир од ДУИ, Бујар Османи, денеска изјави дека националистичките изјави на премиерот Христијан Мицкоски создаваат страв и загриженост кај граѓаните, особено кај Македонците кои живеат во Чаир.
Според Османи, Македонците во општината му се пожалиле дека се плашат од можен одговор на навредите на премиерот, кој наводно ги понижува Албанците.
„Кога слушаат како премиерот секој ден ги навредува нивните сограѓани и им порачува дека ќе ги „влечеме за уши“ или дека „не ја сакаат државата“, тие стравуваат каков ќе биде одговорот кон нив“, рече Османи.
Тој нагласи дека најважен е соживотот во Чаир и дека националистичките пароли служат само за политички поени. Османи тврди дека и поддржувачите на ВМРО-ДПМНЕ се лутат на премиерот поради неговите изјави, бидејќи им е најважен соживотот и почитувањето на сограѓаните Албанци.
