Премиерот Христијан Мицкоски денеска го искористи големиот православен празник Голема Богородица и Денот на рударите за да упати честитка до сите граѓани. Од РЕК Битола, тој им посака здравје, среќа и љубов, нагласувајќи ја важноста на празниците како моменти за обединување и стекнување духовна сила.
Мицкоски посебно се осврна на рударите, кои ги нарече „јунаци“.
„Благодарение на нивната енергија и секојдневен труд, ние имаме енергетска стабилност, а тоа значи и стабилен економски раст на Македонија и на македонското стопанство“, рече премиерот.
Тој изрази увереност дека со мотивацијата на рударите ќе следат уште подобри резултати за македонскиот енергетски систем. На крајот, Мицкоски им го честиташе празникот на рударите со традиционалниот поздрав „Среќно“.
