Директорот на Фондот за здравствено осигурување, Сашо Клековски, денеска изјави дека досега не е поднесена ниту една пријава за наводни непотребни кардиолошки интервенции во приватни болници. Тој ги повика сите пациенти кои се сомневаат да поднесат претставки, без разлика дали имаат комплетна документација или не.
Ова доаѓа по јавните обвинувања на кардиохирургот Сашко Кедев, кој пред десетина дена тврдеше дека приватните клиники прават непотребни операции за да извлечат пари од граѓаните.
По средбата со Кедев, министерот за здравство Азир Алиу најави формирање независна комисија од странски експерти која ќе ги истражи наводите и ќе утврди дали навистина се вршеле непотребни хируршки зафати.
