Бранителот на титулата на Европското првенство во кошарка, репрезентацијата на Шпанија, е пред шокантна елиминација уште во првата фаза. Пред последното коло, тимот на селекторот Серхио Скариоло се наоѓа на третото место во групата Ц со скор 2-2, исто како и Грузија и Босна и Херцеговина.
За да избегне елиминација, Шпанија мора да ја победи Грција во решавачкиот натпревар. Пораз би можел да ги турне на претпоследното место во групата, што би значело испаѓање од турнирот, нешто што никогаш не се случило во историјата на оваа трофејна селекција.
Сценарио за испаѓање на Шпанија
Шпанија ќе биде елиминирана ако се исполнат следниве услови:
Шпанија губи од Грција.
Босна и Херцеговина ја победува Грузија.
Во тој случај, Босна и Херцеговина и Грузија ќе се пласираат на третото и четвртото место, а Шпанија ќе испадне. Дополнителен проблем за Шпанците е што натпреварите не се играат во исто време. Натпреварот меѓу Грузија и Босна и Херцеговина се игра порано, што значи дека Шпанија ќе знае каков резултат ѝ е потребен пред да излезе на терен против Грција.
Италија и Кипар ќе играат последни, што им дава можност на Италијанците да си ја обезбедат позицијата. Босна и Херцеговина, пак, дури и ако Шпанија победи против Грција, си обезбедува пласман во нокаут-фазата.
