Од 3 септември, во наредните две недели, на патниот правец Гостивар – Тетово и обратно, од патарината Тетово до патарината Гостивар, ќе се одвиваат градежни истражувачки работи, поради што сообраќајот ќе биде под времен режим.
Според извештајот на АМСМ, сообраќајот на државните патишта се одвива непречено и по суви коловози. Поради летните одмори, интензитетот на сообраќај е зголемен, но на граничните премини од македонска страна нема подолги задржувања.
АМСМ препорачува прилагодена брзина и внимателно управување со возилата, особено на патиштата низ котлините, речните долини и клисурите, каде што е можна појава на одрони. Ова особено важи за делниците:
- Катланово – Велес
- Маврово – Дебар – Струга
- Виница – Берово
- Кочани – Делчево
