Премиерот Христијан Мицкоски објави дека денеска одржал состанок со претставници од повеќе ресорни институции на тема реформската агенда за придвижување на европските интеграции.
Во својата објава, Мицкоски истакна дека во изминатите месеци, Владата се фокусирала на стабилизирање на економијата и спроведување реформи во сите области, но дека реформската агенда за ЕУ-интеграциите не смее да биде игнорирана.
„Важно е за нас да ги исполниме Копенхашките критериуми, иако свесни сме дека досегашните препреки најчесто не се поврзани со исполнување на овие услови“, напиша премиерот. Тој додаде дека напредокот на стандардот и обезбедувањето иднина за граѓаните се најважни за државата.
