Денешниот ден ќе биде со променливо облачно време, а во попладневните часови се очекуваат локален пороен дожд и грмежи. На одредени места постои можност за изолирана појава на невреме, со интензивни врнежи (над 15л/м²) и засилен ветер (над 60 км/ч).
Минималната температура ќе се движи од 12 до 19 степени, додека максималната ќе достигне од 26 до 32 степени.
Во Скопје исто така ќе биде променливо облачно, со пороен дожд, грмежи и засилен ветер попладне. Во одредени делови од котлината, процесите може да бидат во форма на краткотрајно невреме. Минималната температура ќе изнесува 16, а максималната ќе достигне 31 степен.
За утре, петок, се очекува краткотрајна стабилизација на времето, додека во сабота ќе има изолирана појава на нестабилност. Во недела повторно се најавува нестабилно време на повеќе места, со локален дожд и грмежи, а на одредени локации процесите ќе бидат поинтензивни.
