Агенцијата за електронски комуникации (АЕК) објави дека ја заврши постапката за јавниот тендер за доделување радиофрекфенции за трет мрежен оператор. Единствен понудувач на тендерот е „Оне Македонија телекомуникации“, дел од унгарскиот „Фор-ај-џи“.
Директорот на АЕК треба да донесе одлука за избор на најповолен понудувач по завршувањето на локалните избори, закажани за 19 октомври.
Од АЕК за МИА информираат дека по јавното отворање на понудите на 22 август, Комисијата за спроведување на тендерот изготвила извештај и го доставила до директорот. Со оглед на тоа што имало само еден понудувач, директорот донел одлука за завршување на постапката, согласно Законот за електронски комуникации.
