Заменик-премиерот и министер за животна средина, Изет Меџити, денес најави почеток на еден од најголемите инфраструктурни проекти во општина Чаир – целосната реконструкција на улицата „Ферид Мурати“.
Проектот, кој се реализира во соработка со општина Чаир, Светска банка и Министерството за транспорт, е вреден 1 милион евра.
Реконструкцијата на улицата со должина од еден километар опфаќа:
- Комплетно асфалтирање
- Две регулирани коловозни ленти
- Стандардни тротоари и велосипедски патеки
- Легално паркирање
- Нов систем за улично осветлување
- Замена на семафорите со модерен кружен тек
Според Меџити, работите се очекува да завршат до март 2026 година. Оваа инвестиција, како што истакна, ќе обезбеди современи услови за движење на граѓаните, побезбеден сообраќај и функционален простор за жителите на Чаир.
