Шефот на ФБИ, Кеш Пател, потврди дека е уапсен осомничениот за убиството на десничарскиот активист Чарли Кирк. Убиецот е идентификуван како Тајлер Робинсон, 22-годишник од Јута.
Робинсон е уапсен 33 часа по убиството на Универзитетот Јута Вели. Апсењето е резултат на дојава од семеен пријател, кому член на семејството на Робинсон му соопштил дека тој наводно го извршил злосторството.
Истражителите пронашле пушка и куршуми со натписи како „Hey fascist! Catch!“ и „Bella Ciao“.
Гувернерот на Јута, Спенсер Кокс, информираше дека Робинсон се предал во Вашингтон, мало место на околу 420 километри од Солт Лејк Сити. По неговото апсење, канцеларијата на гувернерот објави и фотографии од Робинсон.
