Армискиот хеликоптер на АРМ вчера изврши 22 прелети и активно учествуваше во гаснењето на големиот пожар во скопско Трубарево.
Во мисијата за гаснење, која траеше од 15:10 до 17:10 часот, хеликоптер од типот Ми-8/17 испушти вкупно 55 тони вода врз најзагрозените делови на теренот, информираат од АРМ.
Со навремената и ефикасна интервенција, припадниците на Армијата дале значаен придонес во стабилизирањето на ситуацијата, спречувајќи понатамошно ширење на огнот.
Од АРМ додаваат дека воздухопловните сили остануваат во состојба на зголемена готовност, ја следат состојбата на терен и се подготвени за повторна интервенција доколку е потребно.
