Градоначалникот на Општина Центар, Горан Герасимовски, на прес-конференција најави низа нови проекти кои се планирани за реализација од следната година.
- Општина Центар ќе изгради дом за стари лица со субвенционирана месечна цена од 200 евра. Дополнително, еднократната финансиска поддршка за пензионерите ќе се зголеми двојно, од 2.500 на 5.000 денари.
- Од 2026 година, учениците од 1 до 4 одделение ќе добиваат бесплатни оброци, а за учениците од 5 до 9 одделение се воведува задолжителна и бесплатна екскурзија под мотото „Ја сакаме Македонија“.
- Ќе биде воведено двосменско работење во градинките до 22 часот, со цел да се обезбеди поголема поддршка за родителите.
- Општината ќе набави нов еколошки автобус преку ПОЦ, кој бесплатно ќе ги вози граѓаните до Водно, Матка, Катланово и градските пазари.
Герасимовски истакна дека овие проекти се наменети за подобрување на животот на сите генерации во општината.
