Поранешниот министер за транспорт и врски, Миле Јанакиески, еден од најблиските соработници на екс-премиерот Никола Груевски, стана еден од сопствениците на градежниот конзорциум „Смарт Инвест Гроуп“, пренесе порталот Фактор.
Јанакиески од минатата недела е дел од групацијата, заменувајќи го градежниот инвеститор Крсте Неделковски од Битола.
Конзорциумот, кој обединува познати градежни инвеститори од пелагонискиот регион, има инвестициски фонд од 30 милиони евра.
„Смарт Инвест Гроуп“ е специјализирана за изградба на станбени комплекси на атрактивни локации во:
- Битола: Во елитната населба „Златен рид“ и на Широк Сокак.
- Куманово
- Скопје: Планиран е комплекс од 128 станови во населбата Момин Поток во Карпош.
Неофицијално се зборува дека Јанакиески веќе е актуелен консултант за земјиште на големи градежни компании. Концептот на „Смарт Инвест Гроуп“, основан пред две години, е да се собираат заеднички средства од инвеститори за идни градежни проекти.
