Партијата ВМРО-ДПМНЕ со соопштение до медиумите го повика претседателот на СДСМ, Венко Филипче, јавно да одговори зошто лично го презел и реализирал тендерот за изградба на модуларната болница, иако постапката требало да ја спроведе Министерството за локална самоуправа.
Во соопштението се поставува прашањето зошто тогашниот министер за локална самоуправа одбил да го потпише договорот, иако тој и поранешниот премиер Зоран Заев му ја наметнувале процедурата.
Од ВМРО-ДПМНЕ велат дека сè додека не даде јасен одговор, Филипче нема никаков кредибилитет да зборува за било што, и го нарекуваат „заложник на семејството од Струмица“.
