Жоао Гомеш Кравињо, поранешен министер за надворешни работи на Португалија, со видео-порака изрази силна поддршка за кандидатурата на Бујар Османи за градоначалник на општина Чаир.
Кравињо, кој е меѓународно реномиран дипломат, истакна дека Османи е исклучително импресивен и го пофали неговото лидерство во европските прашања и успешното претседавање со ОБСЕ.
„Неговото претседавање со ОБСЕ, неговото лидерство во европските прашања, мудроста на неговиот глас – сето тоа покажува дека Чаир има многу добра шанса доколку Бујар стане градоначалник,” рече Кравињо.
Во својата порака, тој нагласи дека со Османи на чело, општината Чаир ќе добие лидер кој ќе може да отвори важни врати за меѓународна соработка и развој.
„Верувам дека со Бујар ќе биде многу полесно да се отворат сите меѓународни врати кои треба да се отворат. Со Бујар, иднината на Чаир е насмеана иднина”, порача Кравињо.
