Израелскиот министер за одбрана Израел Кац денес изјави дека Појасот Газа ќе биде уништен доколку Хамас не ги ослободи заложниците и не го положи оружјето.
„Бараме од Хамас само две работи, а тие нема да ги сторат доброволно: да ги ослободат сите заложници и да се разоружат“, рече Кац за време на посетата на седиштето на 162-та дивизија.
Кац нагласи дека целта на нападот е да се порази Хамас, што истовремено создава притисок за ослободување на заложниците. Тој додаде дека Израел сака да ја преземе контролата врз Газа, бидејќи таа претставува главен симбол на владеењето на Хамас.
