Тренерот на Атлетико Мадрид, Диего Симеоне, изјави дека неговиот тим ќе даде сѐ од себе против „исклучителниот Ливерпул“ во вечерашниот натпревар од Лигата на шампионите. На прес-конференцијата, Симеоне нагласи дека неговите играчи се фокусирани на натпреварот и покрај тоа што ќе им недостасуваат пет важни играчи.
„Треба да гледаме позитивно, играчите што ќе играат ќе имаат можност да покажат што можат“, изјави Симеоне.
Тој го пофали противникот, велејќи дека Ливерпул е „исклучителен тим“ и дека е предводен од менаџер кој го однел тимот на следно ниво.
„Ливерпул е директен, многу брз во транзицијата, игра многу јасно, има одлични играчи на сите позиции. Едноставноста на играта не е нешто што секој го гледа, но ви покажува како работат и колку се добри нивните играчи“, заклучи Симеоне.
Атлетико Мадрид вечерва ќе настапи без Хулио Алварез, Тијаго Алмада, Хозе Марија Хименез, Алекс Баена и Џони Кардосо.
