Стотици федерални службеници во САД, кои беа отпуштени по налог на Министерството за ефикасност на владата (DOGE), добија понуда да се вратат на своите работни места.
Според интерни документи, Администрацијата за општи услуги (GSA) им даде рок до крајот на неделата да ја прифатат или одбијат понудата. Вработените кои ќе ја прифатат, треба да се појават на работа на 6 октомври, по „седуммесечен платен одмор“.
Чед Бекер, поранешен службеник во GSA, изјави дека отпуштањата ја оставиле агенцијата во нефункционална состојба и со недоволно вработени, што го оневозможило извршувањето на основните функции.
