Шефот на македонската дипломатија, Тимчо Муцунски, во рамки на своето учество на 80. Генерално собрание на Обединетите Нации во Њујорк, оствари низа билатерални средби и присуствуваше на мултилатерални настани.
Муцунски оствари одделни средби со неговите колеги од Кипар и Оман:
Министер за надворешни работи на Кипар, Константинос Комбос: Акцентот бил ставен на поддршката за европската интеграција на Северна Македонија. Муцунски ја истакнал значајната улога на Кипар како земја-членка на ЕУ, која во јануари 2026 година ќе го преземе претседавањето со Унијата.
Министер за надворешни работи на Султанат Оман, Сајид Албусаиди: Разговорите биле насочени кон развој на билатералната соработка, особено во областа на трговијата и економијата.
Министерот Муцунски учествуваше и на Првиот биенален Самит за одржлива, инклузивна и отпорна глобална економија, каде ја нагласи посветеноста на државата кон спроведување на Целите за одржлив развој.
На покана на италијанскиот министер за надворешни работи, Антонио Тајани, Муцунски присуствуваше и на работниот појадок со групата „Пријатели на Западен Балкан“. Таму се разговарало за европската перспектива на регионот, стабилноста и регионалната соработка. Муцунски порача дека земјата останува цврст и конструктивен партнер на Европската Унија, посветена на реформите и економскиот раст.
