Јавното претпријатие „Паркинзи на Општина Центар“ соопшти дека за првпат започнува со имплементација и сертификација на два светски признаени ISO стандарди.
Официјално е потпишан договор со меѓународното сертификационо тело Интерцерт (Intercert ISO Certification), а стандардите што ќе бидат воведени се:
- ISO 9001 – стандард за управување со квалитет на услугите.
- ISO 14001 – стандард за управување со животната средина и одржливо работење.
Од претпријатието истакнуваат дека оваа сертификација ќе значи подобри услуги, поголема ефикасност во работењето и вистинска грижа за одржлива иднина.
