Европската народна партија (ЕПП), најголемата група во Европскиот парламент, соопшти дека започнала внатрешна истрага за активностите на Српската напредна странка (СНС), која во ЕПП има статус на придружен член.
Одлуката доаѓа откако претставниците на социјалдемократите, зелените и либералите во Европскиот парламент ја повикаа ЕПП да ги исклучи српските прогресивци од членството поради наводни „недемократски тенденции“.
Претседателството на ЕПП им довери на генералната секретарка Долорес Монсерат и потпретседателот Костис Хацидакис да го водат „процесот на внатрешна верификација во врска со улогата“ на СНС.
- Истрага, не формална постапка: ЕПП нагласува дека ова не е официјална законска постапка за суспензија или исклучување, туку „темелна и брза внатрешна истрага со отворен исход“.
- Контакт со СНС: Монсерат и Хаџидакис ќе бидат во близок контакт со сите заинтересирани страни, вклучително и раководството на СНС.
Претседателот на ЕПП, Манфред Вебер, претходно на 9 септември најави дека статусот на СНС ќе биде предмет на дискусија, додавајќи дека ЕПП „внимателно ја следи ситуацијата и развојот“ во Србија и „не е слепа за најновите случувања“.
