Од денеска стапуваат во сила измените и дополнувањата на Законот за безбедност на сообраќајот на патиштата, чија главна цел е унапредување на безбедноста на најранливите категории учесници и намалување на сообраќајните незгоди предизвикани од невнимание.
Републичкиот совет за безбедност на сообраќајот на патиштата (РСБСП) потсети на клучните нови правила:
1. За пешаците:
- При преминување на коловоз и велосипедска патека, пешаците не смеат да користат слушалки во двете уши, мобилни телефони, таблети, смарт часовници или други уреди што им го одвлекуваат вниманието.
2. За возачите на лесни возила:
- Истото ограничување важи и за возачите на велосипеди, мопеди, мотоцикли, трицикли и четирицикли.
- Исклучок е дозволен само ако користат специјализирани комуникациски уреди вградени во заштитни шлемови.
- Новите одредби ги опфаќаат и возачите на електрични тротинети, на кои исто така им е забрането користење електронски уреди за време на управувањето.
Пешаците и возачите на велосипеди, мопеди и електрични тротинети кои користат слушалки на двете уши, телефони и слично при преминување улица или возење, ќе бидат казнети со:
- 40 евра (за пешаци).
- 50 евра (за возачите на лесни возила).
РСБСП порачува дека овие измени поставуваат нови стандарди за одговорно однесување, а безбедноста на патиштата е заедничка одговорност на сите.
