Кандидатот за градоначалник на Општина Кривогаштани од СДСМ, Игор Каравилоски, ја започна својата кампања со „неформален разговор со младите“ од општината.
Каравилоски ја опиша средбата како „вистинска работилница на идеи“, каде што младите луѓе амбициозно, креативно и посветено отвориле прашања, изнеле проблеми и предложиле конкретни решенија за заедницата.
„Тие не само што ја споделија својата визија за иднината, туку и јасно порачаа дека сакаат да бидат дел од промените“, истакна Каравилоски.
Тој ја оцени средбата како одличен почеток на кампањата, нагласувајќи дека младите се „срцето, енергијата и иднината на нашето место“. Каравилоски изрази увереност дека со нивниот ентузијазам заедно ќе изградат „понапредна, посилна и поубава општина“.
