Кандидатот за градоначалник на Општина Центар од ЗНАМ, поддржан од ВМРО-ДПМНЕ, Мирослав Лабудовиќ, го промовираше проектот „Сјајна Патека“ за осветлување на планината Водно.
Лабудовиќ истакна дека Водно „не смее да згасне штом зајде сонцето“ и дека проектот е визија за град кој се грижи за младите, спортистите и семејствата, бидејќи луѓето ја избегнуваат планината по мрак.
„Со овој проект сакаме да им го вратиме Водно на граѓаните, осветлено, безбедно и достапно… Тоа е изгубена можност за рекреација, за здрава навика, за споделено време со најблиските“, рече Лабудовиќ.
Проектот предвидува инсталирање на енергетски ефикасни, автоматизирани светилки кои ќе се прилагодуваат на природната средина, со цел да не се наруши екосистемската рамнотежа на парк-шумата.
