Кандидатката за градоначалничка на Општина Прилеп од СДСМ, Петра Лукароска, ја обвини локалната власт на ДПМНЕ дека целосно го запоставила Варошко Маало, урбана заедница од централното градско подрачје.
Лукароска наведе дека жителите се соочуваат со низа проблеми, вклучувајќи нечисти и небезбедни улици, узурпирани и неуредени тротоари, како и неисчистени шахти и сливници за атмосферска канализација.
На барање на жителите, Лукароска најави дека нејзината програма вклучува решенија со приоритетна важност:
- Изградба на два кружни тека кај новата автобуска станица.
- Изработка на сообраќајно решение за попрегледна крстосница на улиците „Кузман Јосифоски“ и „Егејска“.
- Изведба на тротоари на улиците „Архиепископ Доситеј“, „Егејска“ и „Сотка Џигиџик“.
- Санирање на проблемот со поплавување на потегот од кружниот тек кај Основниот суд до новата автобуска станица.
„Се грижиме за граѓаните од секоја урбана населба, од секое населено место! Се бориме за нашиот дом!“ порача Лукароска.
