Претседателот на Демократската унија за интеграција (ДУИ), Али Ахмети, денес ја доби високата титула „Doctor Honoris Causa“ од Европскиот универзитет во Тирана.
Во своето обраќање, Ахмети истакна дека ова признание не го гледа како личен успех, туку како резултат на заедничките напори за остварување на клучните цели:
- Обезбедување на правата на Албанците.
- Градење на траен мир.
- Унапредување на процесот на евроатлантска интеграција на Северна Македонија.
„Оваа награда не е само за мене, туку за сите вас – за секоја жртва, секој напор и секој чекор што заедно сме го направиле на овој долг пат“, порача Ахмети.
Тој додаде дека останува посветен на продолжување на работата за националното прашање и европската иднина на земјата, нагласувајќи дека признанието е поттик за уште посилна заложба.
