Претседателот на ВМРО-ДПМНЕ, Христијан Мицкоски, на митингот во Општина Карбинци го поддржа актуелниот градоначалник и кандидат за втор мандат, нагласувајќи ја неговата работа во изминатите четири години.
„Јас сум сигурен дека изминативе четири години Виктор покажа како се работи чесно, тоа е многу важно, како се работи посветено, како се работи за жителите на Општина Карбинци и покажа уште пред време дека недвосмислено го заслужува својот втор мандат,“ порача Мицкоски.
Мицкоски го пренесе ставот дека е клучно сите да останат во државата и дека мора да се посвети сериозно внимание на демографијата. Тој истакна дека улиците, патиштата и градинките немаат смисла доколку нема деца.
Претседателот на ВМРО-ДПМНЕ најави конкретен проект за поттикнување на млади брачни парови да формираат семејства:
„За тоа да се случи потребно е мислам да се определи една населба во којашто ќе се определат парцели за млади брачни парови коишто ќе бидат по едно евро квадрат и ќе бидат ослободени од комуналии.“
Мицкоски потенцираше дека на овој начин, статистички е докажано дека семејството ќе има повеќе дечиња.
