Социјалдемократскиот сојуз на Македонија (СДСМ) излезе со соопштение за јавност, поставувајќи директни прашања до раководството на ВМРО-ДПМНЕ, по веста дека актуелната власт склучила договор со компанијата ИРД Инженеринг.
СДСМ потсетува дека кога биле во опозиција, претседателот на ВМРО-ДПМНЕ, Христијан Мицкоски, и Александар Николовски, заедно со целиот партиски врв, со месеци ја напаѓале фирмата ИРД Инженеринг. Тие ја обвинувале компанијата дека е „симбол на злоупотреби“, „сомнителна компанија“ и дека станува збор за „епски криминал“.
„Мицкоски и ДПМНЕ изјавуваа дека ќе го раскинат договорот, дека ќе бараат истраги, кривична одговорност. Имаа полни усти со големи зборови за наводен криминал и бараа Јавното обвинителство да постапува“, се вели во соопштението.
СДСМ истакнува дека сега, кога ВМРО-ДПМНЕ е на власт, склучиле договор со истата компанија. Во тој контекст, опозициската партија поставува неколку клучни прашања:
- Ако ИРД Инженеринг беше „симбол на злоупотреби“, како што тврдеше Мицкоски, тогаш зошто потпишува договор со нив?
– Дали тоа значи дека сега и Мицкоски е дел од епскиот криминал?
- Кој ќе одржи прес-конференција денеска во белата палата на ВМРО-ДПМНЕ да ги прогласи Мицкоски и Николовски за епски криминалци?
