Регулаторната комисија за енергетика (РКЕ) соопшти дека од вечерва на полноќ поевтинуваат сите видови горива, со намалување на цените до 1,5 денари.
ЕУРОСУПЕР БС 95 ќе се продава по цена од 74 денари, што е намалување за 1,5 денари. За истата сума, 1,5 денари, поевтинува и ЕУРОСУПЕР БС 98, кој од утре ќе изнесува 76 денари.
Цената на ЕУРОДИЗЕЛ (БС) Е-V се намалува за 1 денар и ќе изнесува 68,5 денари за литар.
Се намалува и цената на екстралесното масло за домаќинство (ЕЛ-1) за 1,5 денари, со што од утре ќе се продава по цена од 68 денари. Цената на мазутот М-1 НС исто така се намалува, и од 37,6 денари по килограм, сега ќе се продава по цена од 36,7 денари по килограм.
