Кандидатот за градоначалник на Ѓорче Петров од СДСМ, Костадин Ацевски, и носителот на советничката листа, Дејан Трајковски, ги повикаа граѓаните на општината да дојдат на централниот митинг, каде што ќе биде презентирана целосната програма и тимот со којшто настапуваат на Локалните избори 2025. Тие ги очекуваат сите оние што веруваат дека на Ѓорче Петров му се потребни промени.
„Почитувани Ѓорчевци, сакам да ве поканам на централниот митинг во Ѓорче Петров, каде што ќе ја презентираме нашата програма и тимот на советници предводен од носителот Дејан Трајковски “, објави Ацевски.
Централниот настан е закажан за денес, петок, на 10 октомври 2025 година, со почеток во 18:30 часот.
Митингот ќе се одржи на паркот во Ѓорче Петров.
„Сите оние кои мислат дека на Ѓорче Петров му се потребни промени и сите кои веруваат дека ние можеме да ги направиме тие промени на подобро, ве очекувам! Се гледаме во паркот во Ѓорче!“, порачаа од СДСМ.
