Кандидатката за Градоначалничка на Град Скопје, Каја Шукова, на јавна трибина посветена на Старата скопска чаршија, најави дека нејзин приоритет ќе биде враќањето на автентичноста и интегрирањето на Чаршијата како „жив организам“ во модерниот градски живот.
Шукова истакна дека Чаршијата не е само туристичка атракција, туку место на занаетчии, култура и заедништво. Нејзината цел е да ја оживее преку паметно урбанистичко и економско заздравување.
Како градоначалник, Каја Шукова најави конкретни мерки за зачувување и развој на Старата чаршија:
- Системска поддршка на занаетчиите и малите бизниси.
- Подобрување на инфраструктурата и урбаниот амбиент.
- Развој на јасна стратегија за одржлив туризам и културна понуда.
- Зачувување на автентичната архитектура и спречување на узурпации.
„Старата чаршија ќе биде место каде традицијата и современоста се спојуваат. Верувам во Скопје кое го почитува своето минато, но храбро чекори напред,“ заклучи Шукова, која доби поддршка од занаетчии, архитекти и културни работници присутни на трибината.
