Претседателот на ВМРО-ДПМНЕ, Христијан Мицкоски, на народниот митинг во Росоман, ги повика граѓаните на 19 октомври да го поддржат развојот преку неговата коалиција, нагласувајќи дека на овие локални избори се судираат две спротивни опции: развојот и коалицијата водена од омраза кон ВМРО-ДПМНЕ и желба за власт .
Мицкоски во своето обраќање направи рекапитулар на досегашната работа и ги нацрта контурите на владиниот план за идниот период, во рамките на кампањата со слоганот „Вистинскиот избор! Со твојот човек! За твоето место! За твојата иднина!“.
Мицкоски остро ја критикуваше реториката на СДСМ и Венко Филипче, наведувајќи дека тие ја започнале кампањата со „црна кампања, со напади и ниски страсти“.
„Првата [нивна опција] е жедта и непромислената желба за власт и втората е патолошката омраза кон ВМРО-ДПМНЕ… Сега, последно коешто го слушнавме од претседателот на СДСМ е тоа дека тие не не мразеле, туку ме презирале,“ рече Мицкоски, осврнувајќи се на изјавата на Филипче.
Тој потсети и на претходните пораки упатени преку медиумите, за тоа како „ќе го спакувале распарчен во куфер“, нагласувајќи дека ваквата реторика му служи на чест на СДСМ.
Наспроти ова, Мицкоски истакна дека ВМРО-ДПМНЕ не изнеле ниту една навреда и не објавиле ниту еден негативен спот, туку цело време зборуваат за „проекти, план и визија“.
Тој ги повтори своите критики кон владеењето на СДСМ во изминатите седум години: „А, ние видовме само грабеж, понижување, распродажба и омаловажување на својот народ, на својата држава и на своите граѓани. Тоа ако го чувствуваат тие како навреда, тогаш не знам навистина што да кажам. Вистината понекогаш боли.“
Од Росоман, претседателот Мицкоски на крајот порача дека гласањето на 19 октомври ќе биде референдумско заокружување на бројот 9 и сигурна огромна победа на ВМРО-ДПМНЕ и коалицијата.
