Кандидатот за градоначалник на Општина Кисела Вода, Горан Трајковски – Штраус, објави дека е повторно на терен со граѓаните, истакнувајќи дека општината е подготвена за вистинска промена.
Штраус нагласи дека во директна комуникација со граѓаните ја гради визијата за „поубава, помодерна и похумана општина“.
Неговата порака до гласачите е дека нуди:
- Работа, а не празни ветувања.
- Одговорност, чесност и партнерство со граѓаните.
„Вашата поддршка ни дава сила да продолжиме напред – за Кисела Вода што заслужува повеќе!“ порача Трајковски.
Кандидатот ја заврши својата објава со повик до поддржувачите, наведувајќи дека вечерва, по успешниот ден на терен, сите заедно ќе го гледаат натпреварот Македонија – Казахстан и ќе ја бодрат националната репрезентација.
На изборното ливче, Горан Трајковски – Штраус е под БРОЈ 5.
